Páskahlaupið í Úthlíð

Nú klukkan 14 hefst árlegt páskahlaup frá Geysi að Úthlíð.  Hlaupnir verða 10 km. Vonast er eftir góðri þátttöku enda blíðskaparveður á svæðinu. Myndin er af keppendum frá því í fyrra.

Hlauparar verða að koma í mark frá klukkan 14:30 - 15:30.  Veitingastaðurinn Réttin í Úthlíð er opin alla páskana og einnig sundlaugin. Árlegt páskabingó er á morgun og beinar útsendingar frá leikjum í ensku deildinni á sunnudag.

Páskarnir komnir - allir fara í sveitina

FIMMTUDAGUR 20. mars SKÍRDAGUR
Opið í Réttinni FRÁ kl. 12
Sundlaug opin 11 - 16
kaldur á barnum - veitingasalan opin, góðgæti og gos í sjoppunni

FÖSTUDAGURINN LANGI 21. mars
Réttin opin FRÁ kl 11
Sundlaug opin 11 - 16
Píslarhlaup Frískra Flóamanna: komið saman við Réttina og sameinast í bíla og ekið að Geysi. ( Tímataka)
Hlaupið af stað kl. 14.00 frá rásmarkinu við Geysi og hlaupið heim í Úthlíð. 10 km hlaup sem tekur á.
Heitur pottur og léttar veitingar eftir hlaup.

LAUGARDAGUR 22. mars
Réttin opin FRÁ kl. 11
Sundlaug opin 11 - 16
Kynningarfundur Golfklúbbs Úthlíðar í Réttinni kl. 11:00. Farið yfir sumarstarfið.
Páskabingó 2008 kl 14:00 Mikið úrval af skemmtilegum vinningum og að sjálfsögðu fullt af páskaeggjum.

PÁSKADAGUR 23. mars
Réttin - messukaffi kl.18.00 - að öðru leyti lokað
Sundlaug opin 11 - 16
Páskamessa í Úthlíðarkirkju kl. 17.00 Prestur sr. Egill Hallgrímsson Messukaffi í Réttinni að lokinni athöfn í kirkjunni.

ANNAR PÁSKADAGUR 24. mars
Réttin opin frá kl. 13
Sundlaug lokuð

Fylgist með www.uthlid.is
Þjónustusími og upplýsingar 699 5500 [e-mail]
Sjáumst hress í sveitinni,

starfsfólk Ferðaþjónustunnar í Úthlíð

PS. þessi dagskrá er ekki tæmandi og því tilvalið að koma við í Réttinni og kíkja á stemmninguna.

Páskadagskráin í Úthlíð fyrir alla fjölskylduna

Senn líður að páskum og þá er aldeilis rétti tíminn til að skella sér í sveitina.

Á laugardag fyrir páska er hið geysivinsæla páskabingó, á föstudaginn langa minnumst við pínu og dauða Jesú krists með því að hlaupa á milli Geysis og Úthlíðar og á páskadag verður páskamessa í kirkjunni og messukaffi á eftir.
Við fylgjumst með beinum útsendingum í sjónvarpinu.

Fylgist með dagskránni og látið sjá ykkur í Réttinni eða í sundlauginni.
Það verður sumarfjör í Úthlíð um páskana.


LAUGARDAGUR 15. mars: Opið frá kl. 12.00
Beint á Sýn2
14:45 Liverpool - Reading
17:00 Arsenal - Middlesbrough
kaldur á barnum, veitingasalan opin

SUNNUDAGUR 16. mars: Opið frá kl. 12.00
Beint á Sýn2
13:20 Fulham - Everton
15: 50 Man. City - Tottenham
kaldur á barnum

MÁNUDAGUR 17. mars: Opið kl. 11.00
Heitur matur í hádeginu - pantið daginn áður
Beint á Sýn2
19:50 Birmingham - Newcastle
kaldur á barnum

ÞRIÐJUDAGUR 18. mars: Opið frá kl. 11.00
Heitur matur í hádeginu - pantið daginn áður

MIÐVIKUDAGUR 19. mars: Opið frá kl. 11.00
Heitur matur í hádeginu - pantið daginn áður
Beint á Sýn2
19:50 Tottenham - Chelsea
kaldur á barnum

FIMMTUDAGUR 20. mars SKÍRDAGUR
Opið í Réttinni FRÁ kl. 12
Sundlaug opin 11 - 16
kaldur á barnum - veitingasalan opin, góðgæti og gos í sjoppunni

FÖSTUDAGURINN LANGI 21. mars
Réttin opin FRÁ kl 11
Sundlaug opin 11 - 16
Píslarhlaup Frískra Flóamanna: komið saman við Réttina og sameinast í bíla og ekið að Geysi. ( Tímataka)
Hlaupið af stað kl. 14.00 frá rásmarkinu við Geysi og hlaupið heim í Úthlíð. 10 km hlaup sem tekur á.
Heitur pottur og léttar veitingar eftir hlaup.

LAUGARDAGUR 22. mars
Réttin opin FRÁ kl. 11
Sundlaug opin 11 - 16
Kynningarfundur Golfklúbbs Úthlíðar í Réttinni kl. 11:00. Farið yfir sumarstarfið.
Páskabingó 2008 kl 14:00 Mikið úrval af skemmtilegum vinningum og að sjálfsögðu fullt af páskaeggjum.

PÁSKADAGUR 23. mars
Réttin - messukaffi kl.18.00 - að öðru leyti lokað
Sundlaug opin 11 - 16
Páskamessa í Úthlíðarkirkju kl. 17.00 Prestur sr. Egill Hallgrímsson Messukaffi í Réttinni að lokinni athöfn í kirkjunni.

ANNAR PÁSKADAGUR 24. mars
Réttin opin frá kl. 13
Sundlaug lokuð

Fylgist með www.uthlid.is
Þjónustusími og upplýsingar 699 5500 [e-mail]
Sjáumst hress í sveitinni,

starfsfólk Ferðaþjónustunnar í Úthlíð

PS. þessi dagskrá er ekki tæmandi og því tilvalið að koma við í Réttinni og kíkja á stemmninguna.

Brúðhjón velkomin í Úthlíðarkirkju

Settum litla auglýsingu í brúðkaupsblað Morgunblaðsins sem fylgdi blaðinu föstudaginn 7. mars.

Nánari upplýsingar um Úthlíðarkirkju

Skoða myndir frá vígslu Úthlíðarkirkju 9. júní 2006

Nánari upplýsingar um verð og bókun er að fá í síma ferðaþjónustunnar 6995500 eða í tölvupósti á [e-mail]

 

Jón Hilmar Sigurðsson fallinn frá

Jón Hilmar Sigurðsson féll frá aðfararnótt 16. febrúar síðastliðinn. Var það mikil harmafregn hér í Úthlíð.

Jón var fæddur og uppalinn í Úthlíð og helgaði líf sitt staðnum fyrstu 32 ár ævi sinnar en þá lenti hann í hörmulegu vinnuslysi sem leiddi til þess að hann snéri við blaðinu, fluttist á mölina og settist á skólabekk. Eftir það varð hann vinsæll líffræðikennari í Verslunarskóla Íslands og víðar.

Ævisaga Jóns er um margt einstök og sýnir að það er allt hægt ef viljinn er fyrir hendi.

Nokkrar minningargreinar voru skrifaðar um Jón og mun ég hengja nokkrar hér við svona fyrir þá sem misstu af blaðinu dagana sem þær birtust.

Hér er einnig bein tenging inn á minningargreinarnar um Jón í Morgunblaðinu og Bjarni Harðarson minnist Jóns, frú Ágústu og sumarsins 1976 á bloggsíðu sinni.

Nokkrir góðir hlauparar minntust hans á bloggsíðum meðal annars Sigurður P. sem skrifaði frábæra grein um Jón á hlaup.is Sigurður P. fer yfir feril Jóns sem langhlaupara, en hann var í senn langur og farsæll. Þótt hann sæti í hjólastól þá var hann ekkert að hika við að taka þátt í Reykjavíkurmaraþoni Glitnis, fékk sér bara skíðastafi og skellti sér í hópinn. Hann átti nú alveg frábæran tíma í hálfu maraþoni, miðað við hvað það er strembið. Honum fannst samt skemmtilegast að "hlaupa" í Brúarhlaupinu á Selfossi og mig minnir að hann hafi farið 1/2 maraþon þar oftar en einu sinni. Honum fannst Ungmennafélag Selfoss standa lang best að hlaupinu af öllum þeim sem sjá um svona hlaup. Meðal annars talaði hann um að það væri til fyrirmyndar fyrir aðra að á Selfossi er öllum götum og vegum lokað meðan á hlaupinu stendur.

Ég sem starfsmaður Glitnis hef tekið virkan þátt í að gera Reykjavíkurmaraþon Glitnis að þeim stórviðburði sem það er í dag og þegar Glitnir ákvað að heita á starfsfólk sitt að ef það myndi hlaupa þá myndi ákveðin upphæð renna til góðgerðarmála tók ég að sjálfsögðu strax ákvörðun um að vera með. Ég var ekki lengi að ákveða mig ég myndi taka þátt og láta SEM samtökin njóta áheitanna. Var það að sjálfsögðu til heiðurs mínum elskulega frænda sem var mín fyrirmynd og ég hafði alla tíð haft áhuga á að hlaupa langhlaup eins og hann. Eins og ég hef alltaf verið grönn og létt á mér þá gat ég einhverra hluta vegna ekkert hlaupið þegar ég var lítil. Kannski voru kröfurnar meiri en gengur og gerist og fyrirmyndin mun meira en meðal maður þegar kom að langhlaupum. Ég lenti einu sinni í öðru sæti í 800 metra haupi í móti hjá Ungmennafélagi Biskupstungna en árangurinn var nú ekkert merkilegur. Jón sagði að þetta væri nú lélegur tími, ég hefði varla farið upp af gönguhraða. :-) og það var jú alveg rétt hjá honum.  Ég vissi ekki áður en ég fór í hlaupið hvað 800 metrar væru langir og þegar ég kom í mark var ég ekkert sérlega þreytt - en það er önnur saga.

Er skemmst frá því að segja að við Jón hittumst oft á meðan ég var að rembast við að æfa mig fyrir Reykjavíkurmaraþonið og hvatti hann mig áfram af miklum móð og svona eins og honum einum var lagið. Stuttu fyrir hlaupið spyr hann mig hvort ég ætli ekki að standa við vegalengdina og hvort ég leggi í hálfa maraþonið og ég var bara brött, hafði nýlega klárað að hlaupa 15 km hring um hraunið í Úthlíð og bjóst bara við því að þetta væri ekkert mál. Þá sagði hann mér sinn besta tíma í hálfu maraþoni í Reykjavík sem hann sagði vera 2 tíma og 20 mínútur. (sé reyndar að hann átti mun betri tíma 1998 þegar hann fór hálft á 2 tímum og 12 mínútum, átta mig ekki á því hvers vegna hann talaði ekki um þann tíma) "Ef þú nærð ekki að komast hálft maraþon á skemmri tíma en ég í hjólastólnum þá ertu nú aalgjöör aumingi" Svona var hann og hans hvatning :-) Ég var með tímann hans á bak við eyrað alla leiðina og verð að segja eins og er að mér leist ekki á blikuna þegar ég tosaðist hægt og bítandi eftir Sæbrautinni á leiðinni til baka og heyrði í karlinum gera grín að mér. En mér tókst að komast í mark á aðeins betri tíma þannig að ég slapp við að vera kölluð auminginn.

Margar góðar minningar á ég frá samverustundum okkar Jóns og þá helst frá því í æsku þegar hann var ennþá heima í Úthlíð. Ég bar óttablandna virðingu fyrir þessum frænda mínum sem var fasti punkturinn í tilverunni. Það voru skemmtilegir dagar í minningunni þegar hann kom úr keppnisferðum en þá hafði hann jafnan eitthvað skemmtilegt og gott í poka handa litla frændfólkinu í sveitinni. Einu sinni komu hjólaskautar sem við notuðum bara í fjósinu því ekki voru hlöðin steypt eins og í dag í Úthlíð.

Svo er ómetanleg minning sem ég á frá því ég var mjög lítil. En einhverra hluta vegna er ég ein á Selfossi með Jóni. Ég átta mig ekki á því hvers vegna við erum þarna á ferð tvö ein því ekki fór Jón erindisleysur að heiman og hvað þá að fara með litla frænku með sér. Mamma hefði nú getað svarað þessari spurningu, en svarið verð ég að fá síðar.

Við fórum í Kaupfélag Árnesinga, en þar var heill veggur alsettur glæsilegum leikfangakössum. Þarna sýndist mér vera hægt að kaupa allt í heiminum, svo mikið var úrvalið af dótinu. Þá segir Jón mér að velja mér það dót sem mig langaði í, hann ætli að gefa mér það. Ég ætlaði varla að trúa mínum eigin eyrum að mega velja dót og það var ekki afmæli og ekki jól. En svona var Jón, hann var svo gjafmildur og örlátur við alla og það þurfti ekkert tilefni til að gefa dót.

Síðustu árin voru alveg einstaklega skemmtileg hjá Jóni, en þá tókust náin kynni með honum og Guðnýju Guðnadóttur. Þeirra vinskapur var náinn og Jón svo natinn og huguslamur í kringum hana, enda Guðný svo sæt og skemmtileg og eflaust alveg frábært að vera með henni og hlæja.

En því miður þá er þessum kafla í lífi okkar allra lokið og eftir lifa góðar og skemmtilegar minningar um alveg einstakan mann.

Blessuð veri minnig Jóns Hilmars Sigurðssonar frá Úthlíð

Hjördís Björnsdóttir
frá Úthlíð

 

Skrár tengdar þessari bloggfærslu:

• Bróðurminning
• Jón frændi
• Minning um Jón eftir Hrönn Greipsdóttur
• Minning um Jón eftir Ólaf Inga Sigurgeirsson

Góðvinur Úthlíðar látinn

Bobby Fischer dvaldi í Úthlíð Biskupstungum sumarið 2006.  Hann leigði sumarhús hjá Ferðaþjónustunni, kom daglega í Réttina og sundlaugina.  Bragi ráðsmaður fór með hann í skemmtiferðir á Gullfoss og Geysi.  Bobby var mjög áhugasamur um alla staðhætti og spurði margs. Hann var jafnan í loðúlpu og með derhúfu þó heitt væri í veðri. Ekki tók hann í mál að tefla þó svo að hann hefði verið beðinn um það. Blessuð sé minnig Bobbys.

Kveður Fischer með söknuði

Þorrablótið verður haldið í Réttinni Úthlíð 26. janúar

Þá er komið að þorrablótinu í Réttinni, en það verður haldið laugardaginn 26. janúar og hefst kl. 20.00 með fordrykk.

Matur frá Múlakaffi
Söngsveinar Úthlíðarkirkju syngja
Úthlíðarannállinn í máli og myndum
Hljómsveitin Dalton heldur uppi fjörinu fram á nótt

Í fyrra seldist upp og það var byggt við Réttina til að koma öllum fyrir.
Núna verðum við að gera ennþá betur.

Skráning á [e-mail] eða í síma 6995500

Fylgist með dagskránni á www.uthlid.is

 

 

Aðalfundur Golfklúbbs Úthlíðar

Aðalfundur Golfklúbbs Úthlíðar verður haldinn þriðjudaginn 11. desember kl 20:00 á Flugteríunni Reykjavíkurflugvelli.

Dagskrá: venjuleg aðalfundarstörf.

Allir félagar hvattir til að mæta.

Aðventa og jól í Úthlíð

Fimmtudagskvöldið 6. desember verður aðventukvöld í Úthlíðarkirkju og samkoma í Réttinni á eftir.

Dagskrá í kirkjunni:
Karlakór Selfoss syngur
Sigurður Sigurðarson fer með bænarorð

Dagskrá í Réttinni á eftir:
Flautuleikur
Valdimar Bragason flytur "Á aðventu"
Björn Sigurðsson flytur "jólahald í Úthlíð fyrir 60 árum"
Karlakór Selfoss mun að sjáfsögðu þenja raddböndin og leiða að lokum almennan söng.

Samkoman hefst í Úthlíðarkirkju kl. 20.00 en verður svo framhaldið í veitingahúsinu Réttinni, Úthlíð.

Fylgist með dagskránni á www.uthlid.is - jólamessan verður auglýst síðar.

Mynd tekin af Karlakór Selfoss í Úthlíðarkirkju í fyrra.

Laugardaginn 8. desember 2007, kl 15 og 18 munu Skálholtskórinn og Barna- og Kammerkór Biskupstungna  halda sína árlegu aðventutónleika í Skálholtsdómkirkju.

Einsöngvarar verða Sigrún Hjálmtýsdóttir, Diddú,  sem sungið hefur á aðventutónleikum kóranna mörg undanfarin ár, og ungur tenór ættaður úr Tungunum, Egill Árni Pálsson.

Undirleik annast Kammersveit konsetmeistarans Hjörleifs Valssonar og öllu stjórnar að venju Hilmar Örn Agnarsson, dómorganisti og kantor í Skálholtsdómkirkju. 

Síðastliðið vor lést sr Guðmundur Óli Ólafsson, sóknaprestur Tungnamanna í rúmlega fjóra áratugi.  Verða fluttir tveir fallegir jólasálmar eftir hann á tónleikunum í minningu hans.

Jólalag Skálholts er í ár samið af Hildigunni Rúnarsdóttur tónskáldi, en kórinn hefur frumflutt a.m.k. eitt nýtt jólalag ár hvert undanfarin ár. Einnig verður endurflutt Jólalag Skálholts 2006 eftir Elínu Gunnlaugsdóttur. 

 

Að venju verða tvennir aðventutónleikar, þeir fyrri kl 15.00 og þeir síðari kl 18.00.

Aðgangseyrir er 2500 kr.

Forsala aðgöngumiða er hafin í símum 897-8795 og 896-9564 og kostar miðinn kr 2.500,-.  Miðar verða einnig til sölu í Skálholtsskóla, Bjarnabúð og Lyfju-útibúi í Laugarási, Bisk., versluninni Írisi á Selfossi, Versluninni Borg í Grímsnesi, Versluninni Strax á Flúðum, Versluninni Árborg í Gnúpverjahreppi og Galleríinu á Laugarvatni.

 

 

Síðasta ball sumarsins 10. nóvember

Þ að verður rífandi stemmning í Réttinni laugardaginn 10. nóvember þegar Daltonar mæta á svæðið og halda uppi sumarstemmningunni fram á morgun.

Hlustið á Daltonbræður og undirbúið ykkur fyrir fjörið.

Skyldumæting í sveitina á ballið sem hefst kl. 23.00

Böddi Söngur og gítar
Kiddi Gallagher Bassi
Danni Gítar
Haddi Már trommur og söngur
Gunnar Hilmarsson Gítar