Verslunarmannahelgin 2013

Verslunarmannahelgardagskráin er bæði skemmtileg og fjölskylduvæn

Fimmtudagurinn 1. ágúst kl 2.3.00

Við byrjum á fjörugu húkkaraballi á fimmtudagskvöld. Kjörið fyrir alla sem þurfa að vinna um verslunarmannahelgina að mæta í Réttina og skmmta sér við að hlusta á Eyjólf Kristjánsson

Frítt inn

Föstudagurinn 2. ágúst kl. 23.00

Júlladiskó og Herbert Guðmundsson er baneitruð samsetning að góðri og vel heppnaðri skemmtun. Júlli í Júlladiskó á glæstan feril í bransanum og Hebbi er nú heimsfrægur á Íslandi og er loksins kominn í Tungurnar. Hver veit hvaða ár hann var síðast hér í sveit?

Aðgangseyrir 2000 kr.

 

 

Laugardagurinn 3. ágúst - 

Einar töframaður verður í Réttinni um miðjan daginn og kennir krökum að töfra. 

kl. 22.00 mætir Árni Johnsen í brekkuna fyrir neðan Réttina og stýrir brekkusöng við varðeldinn.  

kl. 24.00 titrar hlíðin okkar fríða þegar sjálfur konungur popparanna Björgvin Halldórsson mætir á svæðið ásamt  Rokkabilýbandinu og Matti Matt. 

Öll þjónusta opin og góða veðrið verður í Úthlíð um verslunarmannahelgina - það er best að vera bara í Úthlíð alla helgina. 

Fjörug dagskrá framundan í Úthlíð

Réttin verður lokuð  allan laugardaginn vegna brúðkaups en það verður hægt að kaupa veitingar af grillinu í Hlíðalaug og í klúbbhúsinu.

Nú er meistaramótið framundan, 19. og 20. júlí

Skráning í mótið fer fram á www.golf.is og viljum við hvetja alla sem ætla að taka þátt til að skrá sig sem allra fyrst. Þeir sem ekki geta spilað á vinnutíma á föstudaginn geta haft samband við Óla formann mótanefndar og fengið annan rástíma hjá honum - sjá upplýsingar á golf.is

Á laugardagskvöldið 20. júlí mun einhver góður gleðipinni stíga á svið og skemmta okkur öllum. Tökum kvöldið frá og skemmtum okkur saman.

Meistaramótstilboð í Réttinni

Í tilefni Meistaramótsins verður sérstakt tilboð á Meistaramótsborgara og köldum á krana á 2000 kr.

Einnig verður í boði að skrá sig í kvöldverð föstudags- og laugardagskvöld og panta sér kraftmikinn morgunverð fyrir leik í Réttinni.

Siggi Hlö frá klukkan fjögur til hálfsjö í beinni úr Réttinni

Laugardaginn 27. júlí kemur Siggi Hlö í Réttina og verður hér hjá okkur með beina útsendingu. Þá verður tilboð á HLÖborgara og köldum á krana á 2000 kr. Þetta er tækifærið til að mæta, hitta Sigga og skemmta sér.

Nú styttist í verslunarmannahelgina og verður mikil dagskrá þá. 

Hápunktur helgarinnar verður varðeldur og söngur undir stjórn Árna Johnsen. Á eftir mætir sjálfur Björgvin Halldórsson með Rokkabillíbandinu og Matta Matt. Loksins er hann kominn til okkar í Úthlíð og munum við að sjálfsögðu safna liði og skemmta okkur fram á morgun.

Orkustöðin í Úthlíð - Orkulyklar eru í Réttinni

Nú hefur bensínstöðinni í Úthlíð verið breytt í Orkustöð. Komið í Réttina og fáið Orku lykil, tengið hann og fyllið bílinn í hvert sinn sem ekið er. Það er mikið öryggi fyrir alla að hafa þessa þjónustu hér hjá okkur og viljum við hvetja alla til að nýta hana, bensínið er á sömu kjörum hér í Úthlíð og á öðrum sölustöðum Orkunnar.

20 ára afmælishátíð Golfklúbbs Úthlíðar

Golfklúbburinn Úthlíð hélt upp á 20 ára afmæli sitt um síðustu helgi og af því tilefni var haldin stórglæsileg golfhátíð í Úthlíð Biskupstungum.  Metþátttaka var á afmælismótið sem var 18 holu Texas Scramble.  Í framhaldi af því var  mikil afmælisveisla og verðlaunaafhending í  Réttinni, öðru af tveimur glæsilegum klúbbhúsum félagsins.

Þar var farið  yfir sögu klúbbsins í máli og myndum og einnig var nokkrum heiðursmönnum veittar viðurkenningar fyrir störf sín fyrir félagið. Þeir sem fengu heiðurfélagaviðurkenningu voru Björn Sigurðsson, Hjörtur Fr, Vigfússon og Rúnar Árnason en allir eru þeir stofnfélagar og hafa verið virkir í starfi klúbbsis í þessi 20 ár.  Af sama tilefni fékk Björn Sigurðusson Gullmerki GSÍ fyrir störf sín og var það forseti Golfsambands Íslands, Jón Ásgeir Eyjólfsson,  sem veitti þá viðurkenningu.  Í framhaldi af velheppnaðri veislu var dansleikur fram undir morgunn og má því segja að þetta hafi verið sólarhrings afmælishátið enda ekki við öðru að búast af þeim Úthlíðarbændum.

 

 

 

 

 

 

 

 

 

 

 

 

 

 

 

Á myndinni eru frá vinstri: Björn Sigurðsson heiðursfélagi nr. 1 og handhafi gullmerkis GSÍ, Jón Ásgeir Eyjólfsson forseti GSÍ og heiðursfélagarnir Hjörtur Freyr Vigfússon og Rúnar Jón Árnarson.

18 holu Texas Scramble golfmót á Úthlíðarvelli.

Laugardaginn 6. júlí verður haldið upp á 20 ára afmæli Golfklúbbsins - 18 holu Texas Scramble golfmót á Úthlíðarvelli.

Glæsileg verðlaun verða í boði:

Í tilenfni af opnum nýju Orkustöðvarinnar í Úthlíð mun Orkan gefa tvö vegleg bensínkort í fyrsta sætið, Heimsferðir gefa tvö gjafabréf og Securitas gefur tvo glæsilega öryggispakka. Þá verða flottir vinningar í kísilmeðferð hjá Bláa Lóninu og 10 daga betri aðild fyrir tvo. Einnig gefur Mosfellsbakarí ljúffengt handgert konfekt svo eitthvað sé nefnt. 
Arionbanki gefur öllum þátttakendum teiggjöf.

Afmælisveisla í Réttinni um kvöldið sem um leið er afmælisveisla Björns bónda í Úthlíð

Dansleikur með Siggu Beinteins og Grétari Örvarssyni

Skráning í mótið fer fram á www.golf.is

Afmælishátíð fyrir kylfinga: 7.500 kr.golfmót, hátíðarkvöldverður og dansleikur
Afmælishátíð fyrir þá sem ekki spila golf: 5.500 kr. Hátíðarkvöldverður og dansleikur.

Takið 6. júlí frá, mætið í sveitina og bjóðið skemmtilegum gestum að taka þátt í fjörinu.

Fylgist með dagskránni á www.uthlid.is, www.facebook.com/uthlid.is

Hestaleiga - Bleikur, Svali, Blesi og Tímó taka á móti kátum hestamönnum í allt sumar.

Hestaleiga

Bleikur, Svali, Blesi og Tímó taka á móti kátum hestamönnum í allt sumar.

Bóka þarf hestaferð í síma
69955000 / 4868770 eða í tölvupósti [e-mail] 

Verðskrá / Pricelist

½ klst.  / ½ hour:              4.000 ISK
1 klst.  / 1 hour:                6.000 ISK
2 klst.  / 2 hour:                9.000 ISK

Í boði eru dásamlegir útreiðartúrar um óspillta náttúruna fyrir ofan Úthlíðarbæinn. Lengri ferðir þarf að bóka daginn áður.

Lengri ferðir

Kolgrímshóll:  10.000 kr. á mann
Liðlega tveggja tíma útreiðartúr inn í mitt Úthlíðarhraun að Kolgrímshól. Þar er áð og hægt að ganga á hólinn og leita uppi kolagrafir.

Miðfellshringur: 15.000 kr. á mann
Um þriggja tíma útreiðartúr hringinn í kringum Miðfell. Riðið er um mjúkar moldargötur.

Brúarárskörð – verð fer eftir fjölda í hóp

Riðið er frá Úthlíðarbænum upp Skarðaveg sem er ágætur reiðvegur sem liggur um Úthlíðarhraun. Ferðin er hálfnuð við Kolgrímshól og er áð þar. Svo er riðið í Skörðin. Þeir sem vilja geta gengið inn í gilið og séð hvar Brúará kemur út úr berginu. Nesti er snætt í Brúarárskörðum – dagsferð.

Jónsmessuhátíð - brekkusöngur Árna Johnsen og Veðurguðirnir í Réttinni

Um helgina verður Jónsmessuhátíð í Úthlíð með varðeldi, Árna Johnsen með brekkusöng og danleik með Veðurguðunum.  

kl. 11.00  Zumba

Kl. 20.30 verður kveikt í litlum varðeldi fyrir neðan brekkuna og mun Árni Johnsen mæta með gítarinn ásamt Birni bónda og öllum hinum frábæru söngvurunum í skóginum. Ekki missa af dásamlegri Jónsmessustund.

 

kl. 23.00 mætir Ingó Veðurguð aftur á svið í Réttinni, en hann hefur ekki komið í sveitina síðan Veðurguðirnir hétu bara Veðurguðirnir

 

Sætaferðir frá Laugarvatni og Brekkuskógi.

Tjaldstæðin, sundlaugin, Réttin, golfvöllurinn og síðast en ekki síst er hestaleigan opin alla helgina - munið að panta reiðtúr daginn áður.

Veðurspáin er frábær fyrir helgina og viljum við hvetja alla til að fara inn á www.golf.is til að bóka rástíma á laugardag og sunnudag.  

Fylgist með dagskránni á www.uthlid.is og á http://www.facebook.com/uthlid 

 

Skrár tengdar þessari bloggfærslu:

• Jónsmessugleði

Fjölskyldufjör í Úthlíð 15. - 17 júní

Núna er kominn tími til að gefa Austurvelli, Rútstúni og öðrum 17. júníhefðum frí og vera í rólegheitum í sveitinni. 

Alla helgina verður skemmtileg barna- og fjölskylduhátíð

Fjölskyldutjaldsvæðið verður opið og verður aldurstak

markið 25 ára.
Sundlaugin, Réttin, hestaleigan, golfvöllurinn opin.

Zumba í Réttinni alla laugardagsmorgna kl. 11
Mætið í fjörið og takið skemmtilegan morgundans, súpa og brauð á tilboði á eftir

Laugardaginn 15

• kl. 11 Zumba sund og salat.
• kl. 13.00 Krakkahátíð allan daginn:
• Hoppukastalar, trampolín, gasblöðrur, candyfloss sem börnin búa til sjálf.
• kl. 23.00 hljómsveit Geirmundar Valtýssonar með fjörugan dansleik í Réttinni
• Sætaferðir fram og til baka frá Laugarvatni, Miðhúsaskógi, Brekkuskógi, Reykjaskógi og Flúðum.

Sunnudagurinn 16. júní

• Krakkahátíð allan daginn:
• Hoppukastalar, trampolín, gasblöðrur, candyfloss sem börnin búa til sjálf, einnig geta börn og unglingar fengið sér tattú.
• Kl. 14 kemur Einar Mikael töframaður og verður með kennslu í töfrabrögðum fyrir öll börnin og unglinga. (Frítt fyrir börnin og unglingana)
• Kl. 15.00 Sýning hjá töframanninum Einari Mikael í Réttinni fyrir alla fullorðna,unglinga og börn (Frítt inn)
  Kl. 17.00 Krakka bíó í Réttinni
• kl. 19.00 Hjóna- og parakeppni GÚ - skráning á www.golf.is
• Kl. 21.30 Eyjólfur Kristjánsson kemur í Réttina með gítarinn og spilar fyrir okkur öll sín bestu lög.( Frítt inn)

Mánudagur 17. júní

• Krakkahátíð allan daginn:
• Hoppukastalar, trampolín, gasblöðrur, candyfloss sem börnin búa til sjálf, einnig geta börn og unglingar fengið sér tattú.
• Golfvöllurinn, sundlaugin, Réttin og hestaleigan opin
• Sól í heiði og frítt í sund fyrir alla 15 ára og yngri!!

Golfveisla í Úthlíð laugardaginn 30. júní

Ræst úr 8.00-10.20 og 13.00-15.20 laugardaginn 30 júní - gisting í boði í  tveggja manna herbergjum

30. júní verður haldin stórglæsileg golfhátíð í Úthlíð.

Golfmót:
18 holu punktakeppni og betri bolti, rástímar fyrir og eftir hádegi.
Spiluð verður venjuleg punktakeppni, en jafnframt mega (en þurfa ekki) pör,... sem saman eru í ráshóp tilkynna sig í aukakeppni í "betri bolta" rétt áður en leikur hefst og verður þá betra skor hvers pars (í punktum) fært á skorkortið til viðbótar hefðbundnu skori.
Boðið upp á kaffi og bakkelsi frá Reyni bakara í hálfleik.

Veisla og verðlaunaafhending:
Kl. 20:00 fordrykkur í Réttinni
Flott grillhlaðborð.
Eftirréttur og kaffi eftir mat.

Verðlaunaafhending og skemmtun með aðstoð hljómsveitarinnar Karma

Glæsilegir vinningar í boði, m.a. ferðavinningar:
Verðlaun fyrir 1. - 6. sæti í punktakeppni (ekki eru sérstök verðlaun fyrir karla og konur)
1.-3. sæti í betri bolta. Nándarverðlaun í karla- og kvennaflokki á báðum par 3 brautunum.
Verðlaun fyrir lengsta teighögg á 3. braut í karla- og kvennaflokki.
Ýmislegt dregið úr skorkortum

Verð 7000 kr. á mann.

Tilboð með gistingu 11.000 kr.

Gisting í tveggja manna herbergi með sér salerni og sturtu og aðgangi að eldhúsi, setustofu og heitum potti.

Úthlíðarvöllur opnar snemma

Búið er að opna Úthlíðarvöll og hann kemur óvenju vel undan snjóþungum vetri. Snjórinn sem margir bölvuðu varði þó jörðina fyrir frostinu og þegar hann leysti var völlurinn klakalaus.

Búið er að setja holur á sumarflatirnar og slá þær. Afgreiðsla vallargjalda er í Réttinni.

Í dag er rigning en spáð þuru á mogun og ágætu veðri næstu daga.

Golfvellir koma vel undan vetri

Þriggja daga hestaferð um ósnortna náttúru Suðurlands

Ferðaþjópnustan Úthlíð býður sumarið 2010 skemmtilegar 3 daga hestaferðir frá Úthlíð að Hagavatni og Langjökli. Leiðin er mjög fjölbreytt þar sem ferðast er um ægifagurt öræfalandslag, en einnig fetað á gömlum þingmannaleiðum svo sem Eyfirðingavegi, er lá um Hellisskarð til Þingvalla.

Miðum við að lágmarki 8 í ferð en einnig er möguleiki að skipuleggja ferðir með færra fólki.

Ferðatilhögun:

1. dagur – Mæting í Úthlíð kl. 10.00
Hestarnir teknir og þátttakendur kynnast hestunum í reiðgerði með reiðkennara sem er fararstjóri í ferðinni.
Hádegisverður
Kl. 13.00 lagt af stað frá Úthlíð og riðið að Mosaskarðsskála, 25 km.
Nesti snætt á leiðinni
Kvöldverður og kvöldvaka að íslenskum sveitasið.

2. dagur – morgunverður í skálanum
Riðið að Hagavatni og áfram meðfram vatninu allt að Nýjafossi, útfalli Hagavatns. Síðan er riðið niður með Leyifossi og Brekknfjöllum og að Mosaskarði þar sem gist er aðra nótt. Hér er fögur útsýn á Langjökul og Jarlhettur og margt áhugvert ber fyrir augu.
Nesti verður snætt á hádegi
Komið í skála um kl. 16.00 – kaffi og afslöppun.
Grillveisla um kvöldið og lagið tekið.

3. dagur – morgunhressing í skálanum
haldið til byggða og farið meðfram Lambahrauni, Kálfstindi og Högnhöfða að Brúará, með viðkomu í Hellisskarði og Brúarárskörðum, endað í Úthlíð. Hér er lengst af farið eftir grónum og mjúkum reiðgötum. Leiðin kallast Eyfirðingaleið. Nesti verður snætt á hádegi og síðdegishressing í Brúarárskörðum.
Endað í pottunum í sundlauginni í Úthlíð og með málsverði í veitingahúsinu Réttinni.

Ferðafólk heldur heim á leið.

Innifalið í pakkanum: Fæði, fararstjórn, hestar, hjálmar, reiðtygi, og gisting.
Ekki innifalið: Gestir þurfa að hafa með sér reið- og hlífðarfatnað. 

Verð: 25.000 á dag - 3 daga fyrir þá sem koma beint í reiðtúrinn, 5 daga fyrir þá sem vilja gista í Úthíð.

Nánari upplýsingar og bókanir í síma 6995500 eða í tölvupósti [e-mail]

Sjá myndband um ferðina hér:

http://www.youtube.com/watch?v=3nqHmWrkL0I