Ball í bongóblíðu

Núna styttist verulega í ballið góða á laugardaginn og vonum við svon sannarlega að prúðir dansarar séu byrjaðir að æfa sig.

 Hér eru nokkrar skemmtilegar myndir frá fyrri böllum með Bleki og byttum.

Hilmar Örn

Hljómsveitin Blek og byttur

Þorkell Jóelsson lemur húðir

Fylgist með dagskránni á www.uthlid.is

 

Blek og Byttur með stórdansleik í Réttinni á laugardaginn - mætir þú ekki örugglega?

Hljómsveitin Blek og byttur mætir í Réttina á laugardaginn og heldur dansleik fyrir þroskað fólk með góðan tónlistarsmekk.  

Um Blek og byttur
Þessi hljómsveit er alveg einstök í sinni röð. Hana skipa frábærir tónlistarmenn sem hafa hver sinn bakgrunn í tónlistinni.
Hilmar Örn Agnarsson er organisti Skálholtsdómkirkju og einstaklega skemmtilegur listamaður. Í eina tíð var hann pönkari og stofnaði hljómsveitina Þeyr með bróður sínum. Þeir náðu því að verða einhver áhrifamesta pönkhljómsveit landsins. Þess má geta að Hilmar er alveg einstakur gleðigjafi hvar sem hann fer, það er alltaf gaman þar sem Hilmar er.
Kalli félagi hans er tónlistarkennari í Reykholtsskóla. Hann hefur líka einstaka hæfileika sem listamaður, enda kominn af ættum galdramanna á Vestfjörðum. Hann er náfrændi Mugison og er fæddur í Bolungarvík. Algjör snillingur. Hér er bloggið hans Kalla
Þá er komið að Þorlákshafnarbúanum í bandinu Hermanni Jónssyni. Það er auðvitað ekkert band með böndum nema hafa einn slíkan innanborðs. Hann er rafvirki og spilar á öll hljóðfæri sem þekkjast. Honum er reyndar ekki hleypt í öll þessi hljóðfæri í Bleki og byttum en fær að spila á gítar og syngja.  Hann var árum saman í hljómsveit Steina Spil og kann allt.
Sá sem spilar á píanó og klarinett heitir Örlygur Benediktsson, tónskáld á Eyrarbakka. Hann var áður söngvari í dauðarokksveitinni Pain.
Síðastur en ekki sístur er hæstvirtur hornleikari Sinfóníuhljómsveitar Íslands, Þorkell Jóelsson. Hann er vel þekktur tónlistarmaður, en sennilega eru fleiri sem þekkja konuna hans hana Diddú. Þorkell lemur húðir af miklum móð í bandinu og heldur því í réttum takti.

Svo er líklegt að Jói trompetleikari á Selfossi komi og blási aðeins í lúðurinn.

Kammerkór Suðurlands verður á svæðinu og mun láta til sín taka ásamt fleiri þekktum tónlistarmönnum og leynigestum. Heyrst hefur að Gunnar Þórðarson hafi mikinn áhuga á að koma í Réttina og taka í gítarinn og syngja t.d. Heim í Búðardal og Gaggóvest. 

Það er ljóst að allir sem vilja njóta góða veðursins og góðrar tónlistar ættu að leggja leið sína í Réttina ekki seinna en kl. 11.00 

Golfmót, grill og ball í Úthlíð

Um næstu helgi verður gaman að vera til í Úthlíð, en þá heldur Golfklúbburinn skemmtilega Jónsmessumótið sitt sem endar með glæsilegu balli sem hljómsveitin Blek og byttur heldur í Réttinni. Þetta er ball fyrir alla sem vilja dansa og skemmta sér.
Skráning á www.uthlid.is eða www.golf.is

Nú er frábær veðurspá framundan en veðrið hefur leikið við Úthlíðinga í vikunni.

Um síðustu helgi var afar vel heppnað Kvennahlaup í Úthlíð og komu saman hvorki fleiri né færri en 42 konur sem hlupu nokkra skemmtilega hringi um nánasta umhverfi Úthlíðar. Á eftir fengu hressar konur og dætur þeirra sér léttan sundsprett og súpu og hvítvínsglas í Réttinni.

Ballið er haldið til styrktar Kammerkór Suðurlands, en hann er nýkominn úr tónleikaferð um Frakkland þar sem kórinn tók þátt í tónlistarhátíð.  

 

Kvennahlaup og ball í Úthlíð um helgina

Laugardaginn 16. júní

Kl. 13.00 Kvennahlaupið í Úthlíð í þriðja sinn
Kvennahlaupið er skemmtilegt hlaup þar sem konur koma saman og hreyfa sig undir kjörorðinu íþróttir fyrir alla.
Hlaupið verður af stað frá Hlíðarlaug 2,5 km hring um nágrennið.
Freydís íþróttakennari í Reykholti sér um framkvæmd hlaupsins í Úthlíð.
Ef áhugi er fyrir því að hlaupa lengra þá er tilvalið að taka 5 km með Dísu og Ínu :-)

Að hlaupi loknu verður í boði létt súpa og drykkir og allir sem mæta í Kvennahlaupsbolum í Hlíðalaug fá frítt í sund.

Hestaleigan verður opin um helgina kl. 13 - 16. Gott er að panta með fyrirvara.

Hljómsveitin Dalton
Um kvöldið verður fyrsta alvöru sveitaball sumarsins með hljómsveitinni Dalton í samvinnu við Kjörís í Réttinni í Úthlíð.

Strákarnir lofa brjáluðu stuði og þú mátt ekki missa af því!
Það kostar aðeins 1500 krónur á ballið og aldurstakmark er 20 ár, enda ískaldur á krananum og hressleikinn í fyrirrúmi.

Láttu sjá þig því annað er glæpur!!

Núna er sumartíminn kominn og því afgreiðsla Réttarinnar opin frá kl. 9.00 - 21.00 virka daga og Hlíðalaug er opin frá kl. 11.00 - 17.00 virka daga.
Um helgar er opið lengur.
Þjónustusíminn okkar er 6995500 og við svörum í hann og leysum úr vanda ef hringt er á kristilegum tíma :-)

Fylgist með dagskránni á www.uthlid.is
 
Bestu kveðjur frá Úthlíð

Úrslit í vormóti GÚ

Vormótið var haldið á Úthlíðarvelli laugardaginn 9. júní í einmuna blíðu. Alls mættu 32 kylfingar til leiks og var það mál manna að sjaldan hefur völlurinn verið jafn vel á sig kominn á þessum tíma árs.

Að vanda var hið rómaða kaffihlaðborð GÚ í hálfleik. Að þessu sinni var það í boði Flugteríunnar sem kom með ljúffengt bakkelsi frá Reyni bakara.

Veitt voru verðlaun fyrir efstu þrjú sætin í karla- og kvennaflokki. Um var að ræða punktakeppni.

Sigurvegari í kvennaflokki var Hulda Halldórsdóttir með 40 punkta, önnur var Kristín Eiríksdóttir með 38 punkta og þriðja var Fríða Baldursdóttir með 37 punkta.

Sigurvegari í karlaflokki var Magnús Guðmundsson með 37 punkta, í öðru sæti var Úlfar Helgason með 36 punka og í þriðja sæti var Pálmi Vilhjálmsson með 36 punkta.



Nándarverðlaun á par 3 brautum hlutu Edda Erlendsdóttir, Pálmi Vilhjálmsson á 4. braut og Rúnar Jón Árnason og Hulda Halldórsdóttir á 6. braut.

Vinningshafar fengu glæsileg verðlaun frá BYKO, Glitni, VISA, Mecca SPA og fleiri aðilum.

Vormót GÚ laugardaginn 9. júní

"Loksins er sumarið komið" sagði Björn bóndi í Úthlíð þegar hann kom í morgunkaffi í Bröttubrekku í morgun. Það má með sanni segja því hitinn á óopinberum veðurathugunarmælinum á pallinum sýndi 15 gráður.

Golfvöllurinn er að komast í mjög gott form eftir veturinn og er tilhlökkunarefni að fara að spila hann. Það má segja að hann sé með því allra besta sem gerist á vormótinu.

Jú, það er engin ástæða til að sleppa því að mæta á vormótið! Veðurspáin frábær, völlurinn dásamlegur og síðast en ekki síst þá er félagsskapurinn í GÚ frábær.

Skráið ykkur í mótið hér á www.golf.is það eru ennþá til rástímar.

Fylgist með dagskránni í Úthlíð á www.uthlid.is

 

Karlakór frá Tírol í kvöld, vormót GÚ um helgina

Núna er sumarið komið í Úthlíð þótt veðrið mætti nú vera betra.

Við minnum á þennan frábæra karlakór frá Tírol sem er á ferð um Ísland og ætlar að koma við í Úthlíð og jóðla af hjartans list.

Karlakór frá Schwoich í Tírol (Austurríki) heldur tónleika í Úthlíð miðvikudaginn 6. júní nk. kl. 20.00.

Í þessum hressa kór eru nokkrir frægustu jóðlarar Austurríkis sem viðhalda gamalli sönghefð fjallasvæðanna.

Á efnisskránni eru fjölmörg lög, bæði þjóðleg og alþjóðleg.

Kórinn er í heimsókn í Skálholti og heldur m.a. tónleika í Uppsveitum Árnessýslu og Reykjavík.

 

Á laugardaginn höldum við svo fyrsta golfmót sumarsins. Völlurinn er bara nokkuð vel búinn að ná sér eftir veturinn og hefur rigningin gert sitt gagn.

Um er að ræða punktakeppni. 
Verðlaun eru veitt fyrir þrjú efstu sætin í karla- og kvennaflokki.
Auk þess nándarverðlaun á par 3 brautum og dregið verður úr skorkortum.  

Rástímar eru frá kl. 9:00
Skráning fer fram á www.golf.is eða í síma 891 6107.
 
Keppnisgjald 2000 kr.
 
Endilega mætið og takið þátt í skemmtilegu móti.
Kynnið þetta fyrir öðrum sem gætu haft áhuga.

Dagskráin í Úthlíð birtist á www.uthlid.is

 

Karlakór frá Tírol í Réttinni 6. júní kl. 20.00

Karlakór frá Schwoich í Tírol (Austurríki) heldur tónleika í Úthlíð miðvikudaginn 6. júní nk. kl. 20.00.

Í þessum hressa kór eru nokkrir frægustu jóðlarar Austurríkis sem viðhalda gamalli sönghefð fjallasvæðanna.

Á efnisskránni eru fjölmörg lög, bæði þjóðleg og alþjóðleg.

Kórinn er í heimsókn í Skálholti og heldur m.a. tónleika í Uppsveitum Árnessýslu og Reykjavík.

Fjör í Réttinni alla helgina

Eurovision undankeppni á fimmtudag kl. 19:00

Eurovision og kosningasjónvarp á laugardag frá kl. 19:00

Tilboð á hamborgurum og pítsum

Sjá www.uthlid.is

Helstu upplýsingar um Úthlíðarvöll sumarið 2007

Upplýsingabréf sent til félaga í Golfklúbbi Úthlíðar þann 6. maí.

Stefnt er að því að opna völlinn 20. maí.

Afgreiðsla vallargjalda er í Réttinni. Allir spilarar eiga að mæta þar og skrá sig í rástímabók fyrir leik. Í Réttinni eru afhent skorkort og seldar helstu golfvörur. Þar verður einnig hægt að leigja golfsett.

Almennar golfreglur gilda á vellinum. Við leggjum sérstaka áherfslu á að við tökum byrjendum í golfi fagnandi en bendum þeim á að taka tillit til vanari spilara og hleypa fram úr sér ef þörf er á. Börn eiga aðeins að spila á vellinum í fylgd fullorðinna.

Bent er á ágætt æfingarsvæði við völlinn (fyrir austan).

Bent er á heimasíðu Ferðaþjónustunnar í Úthlíð http://www.uthlid.is/ en þar verða settar inn fréttir af golfstarfinu og auglýsingar. Helstu upplýsingar um GÚ eru undir golf hlekknum.

Boðið verður upp á golfkennslu í sumar. Tímasetning og fyrirkomulag auglýst þegar nær dregur.

Þeir sem vilja komast á tölvupóstlista sendi skeyti á [e-mail]

Vinnudagur á vellinum verður laugardaginn 19. maí kl. 10:00.  Nánar auglýst síðar.

Síðastliðið ár náðist góður árangur í því að laga völlinn eftir kalskemmdirnar árið þar á undan. Heita má að allt kal hafi horfið úr flötunum og minnkað verulega á brautunum. Þetta tókst þrátt fyrir mikinn vorkulda með fræjun, tyrfingu og góðri vökvun. Nú er vökvunarkerfi við allar flatir en slíkt er lykilatriði fyrir grasþroska. Við vallarhirðingu fengum við góð ráð hjá sérfræðingum GKG og fleirum sem við kunnum bestu þakkir fyrir. Holur og flögg voru endurnýjuð. Síðastliðið haust voru allar flatir djúpgataðar. Markmið sumarsins:

• Taka í notkun ný flöt á 7. braut
• Taka í notkun stækkanir á flötum 3, 4, 8, 9 og 1.
• Stækka og laga teiga
• Laga svæðið vinstra megin við 6. flöt og stækka glompuna
• Búa til sandgryfju við 7. flöt
• Planta fleiri trjám
• Ef tími og fjármagn leyfa verður haldið áfram vinnu við lengingu og breytingu á braut 2.
• Flatir verða fræjaðar, sandbornar (dressaðar) á vinnudegi í maí. Einnig verða flatirnar verticuttaðar, fræjaðar og sandbornar síðar í sumar.
• Bætt verður skeljasandi í allar glompur og þær kantskornar
• Borið verður á flatir á tveggja vikna fresti
• Flatir verða vökvaðar daglega í þurrkatíð
• Flatir verða yfirborðsfræjaðar amk. mánaðarlega
• Flatir verða slegnar að lágmarki fjórum sinnum í viku utan álagstíma. Á álagstíma frá 1. júlí til 10. ágúst verða flatir slegnar daglega.
• Brautir og teigar verða slegnar þrisvar í viku
• Röff verður slegið reglulega.
  
  
  

  Mótaskrá, sumarið 2007:

  9. júní	Vormót	18h. Punktakeppni	Opið
  23. júní	Sólstöðumót	Annað	Lokað + gestir
  20-21 júlí	Meistaramót	36h. Flokkar	Lokað
  5 ágúst	Barna- og unglingamót	9h. Flokkar	Opið
  11. ágúst	Texas Scramble	18h. Texas Scramble	Opið
  25. ágúst	Geirs- goða mótið	18h. Höggleikur	Opið
  15. sept.	Bændaglíma	18h. Mótanefnd	Lokað + gestir

   Nánari lýsingar eru á www.golf.is og þar verður skráning í öll mótin. 
  
  Stjórn GÚ 2007:

  Formaður:	Þorsteinn Sverrisson, 891-6107, [e-mail]
  Varaformaður:	Þráinn Hauksson, 862-5644, [e-mail]
  Ritari:	Helga Hilmarsdóttir, 896-6354, [e-mail]
  Gjaldkeri:	Edda Erlendsdóttir, 893-4700, [e-mail]
  Mótanefnd og meðstjórnandi:	Snorri Guðmundsson, 897-8841, [e-mail]
  Forgjafarnefnd:	Hjörtur Vigfússon, 699-6960, [e-mail]
  Vallarnefnd:	Arnar Guðjónsson, 897 9471, [e-mail]
  Unglinganefnd:	Ragnar Áki Ragnarsson, 894-3322, [e-mail]
  Framkvæmdastj. Hús- og aganefnd:	Rúnar Jón Árnason, 892-8313, [e-mail]
  Vallarstjóri:	Björn Þorsteinsson, 697-3093, [e-mail]