Fjölskyldufjörið verður í Úthlíð um verslunarmannahelgina

KK og Maggi Eiríks á föstudagskvöld, krakkaball á laugardag og varðeldur um kvöldið ásamt stórdansleik með hljómsveitinni Dísil.
Á sunnudag verður krakkagolfmót og dansleikur um kvöldið.

Samkvæmt veðurvefnum http://belgingur.is/ er veðurspáin fyrir verslunarmannahelgina frábær og því ekki ástæða til að fara annað en í Úthlíð.

Fjölskyldufólk er boðið velkomið á tjaldstæðin með fellihýsi, hjólhýsi, tjaldvagna og tjöld. Rafmagn er á tjaldstæðinu fyrir þá sem það þurfa.

Aldurstakmark 20 ár.

Föstudagur:

KK og Maggi Eiríks mæta á svæðið og halda létta tónleika kl. 22.00 í Réttinni.
Réttin er opin meðan stemmning leyfir, diskótek og bar eftir að tónleikum lýkur.

Laugardagur:

Réttin, sundlaugin og golfvöllurinn verða opin frá kl. 9.00
Rástímar í golf bókaðir í Réttinni.

Kl. 14.00 – krakkaball í Réttinni
Börn á öllum aldri boðin velkomin að dansa við dúndrandistuðhljómsveitina Dísel.
Leikir og fjör

Kl. 22.00 – Brekkusöngur við varðeld

Félagar úr Dísel mæta með gítarinn og stjórna fjöldasöng.
Aðrar óvæntar uppákomur í brekkunni.
Þetta er nú bara gaman.

Kl. 24.00 – Stórdansleikur með hljómsveitinni Dísel

Hljómsveitin Dísel heldur uppi stuðinu í Réttinni alla nóttina

Sunnudagur:

Réttin, sundlaugin og golfvöllurinn eru opin frá kl. 9.00
Rástímar í golf bókaðir í Réttinni.

Kl. 16.00 – Barna- og unglingagolfmót GÚ – Mæting í Réttina kl. 15.30
skráning í mótið fer fram í Réttinni.
Að loknu móti verður verðlaunaafhending og er líka Pizzuveisla í Réttinni.

Kl. 23.00 – Kappreiðaballið 2008
Fjörugt sveitaball eftir vel heppnaðar kappreiðar hestamannafélagsins Loga í Hrísholti. 

Allir glaðværir og friðelskandi einstaklingar velkomnir í sveitina og er það einlæg ósk allra að á tjaldstæðinu verði góð stemmning og friður til svefns á nóttunni.

Fylgist með dagskránni á www.uthlid.is